நினைவின் வண்ணம்

நம் கோப்பைகளில் நிரம்பியுள்ள தேநீர்
என்ன வண்ணத்தில் இருக்கும்
நம்மை நனைக்கும் மழை
என்ன வண்ணமாக இருக்கும்
புன்னகைத்தவாறே
நீ அனுப்பும் ஸ்மைலிக்கள்
என்ன வண்ணத்தில்
என்னைப் பார்த்து சிரிக்கும்
உன் ஊரில்
நீ செல்லும் பாதையில்
பூக்கும் மலரின் வண்ணம் என்னவாக இருக்கும்
இங்கு என் தேநீர் கோப்பையில்
வானம் மிதந்து கொண்டிருக்கின்றது
உன் நினைவுகளும்...
நீயே சொல்
உன் நினைவின் வண்ணம்
என்னவாக இருக்கும்

பாரதி ஆரோக்கியராஜ்