காலம் பதில் சொல்லும்
என்ற கடைசி வாசகத்தோடு
அநாந்தரத்தில் விடப்பட்டேன்
காலத்தின் பதிலை
அறிந்துகொள்ள பொறுமையில்லாமல்
காலத்தோடு மல்லுகட்டினேன்
பதில் என்ன என அறியாமல்
ஆயிரம் கேள்விகளை
கேட்டுக் கொண்டிருந்தேன்
ஒவ்வொரு வினாக்களும்
எதிர்காலத்தின் மீது வில் தொடுத்தது
விடை தேடும் பயணம்
நிகழ் காலத்தை ரணமாக்கியது
விடையறியா வினாக்களோடு
கடந்த காலத்தில் சிக்கிக்கொண்டேன்
காலத்தின் புதிர் பாதையிலிருந்து
மீள்வதற்கான கடவுச்சொல்
ஒரு பதிலாய் இருந்தது.
அந்த பதில்
"காலம் பதில் சொல்லும்"
- பாரதி ஆரா
கருத்துகள் இல்லை:
கருத்துரையிடுக